عشقن سوزی
.
.
.....
.....
کندیمیزین صفاسنا قوربانام
داغ داشنا،تورپاقنا قوربانام
...
...
چنارلقن هر بیر یانی گوزل دی
بو کوشنین هر یاننا قوربانام
...
...
مییانساران گون آلتندا بزکلی
اُنن قشک باغلارنا قوربانام
...
...
من قُشرم اورگیمین سوزلرین
تا کی دییَم جامالنا قوربانام
...
...
جانا یاتِر کندیمیزین هاواسی
جانا یاتان هاواسنا قوربانام
...
...
مِه اَنَندَه چنارلقن دوشینَه
اُ گورمَلی نَقشَسینا قوربانام
...
...
اَسَر اورگیم آدی گَلسه کَندین
من کیی موبارک آدِنا قوربانام
...
...
کَنده ساری پنجَرَهَ نی آچاندا
هر بیر اِوین اِیواننا قوربانام
...
...
آلدی قوجاقنا چنارلق منی
مَحَبّتلی قوجاقِنا قوربانام
...
...
گِچمَلی دُی هِچ یازنن صفاسی
من اُ صافالی یازنا قوربانام
...
...
آخشام اوستی سللم اسنده کنده
توت دیبینین قُناقنا قوربانام
...
...
هر کیم اُلسا اولکه میزین یُلداشی
یُل اوزونی یُلداشنا قوربانام
...
...
پای وریپ آللاه بیزه بو کوشنی
گِجَه بوگوندوز پاینا قوربانام
...
...
آی گجه لر اشق سالر هر یانا
من اُ اشقلی آینا قوربانام
...
...
بیر عشقنن کَت کوشَنین همیشَه
چَرشنبه سی،بایرامنا قوربانام
...
...
هم عاشقام چنارلقا، هم بیلوز
کندیمیزین عاشقنا قوربانام
...
...
هر گوشه دَن آخِر سرین سولاری
کَهریزینَه،بولاقنا قوربانام
...
...
گون اُرتادا آیران آشی داد وِرَر
گون اُرتالاردا آشنا قوربانام
...
...
چنارلقن اوزاق اوزاق یُللاردان
اَنیشینَه،یُککوشنا قوربانام
...
...
چنارلق دی ، اوجا بُیلی داغلاری
هر اوجا بُیلی داغنا قوربانام
...
...
اِشیدمَلی موسیقی دی های هویی
من اُنن اُ های هوینا قوربانام
...
...
دینگیللَدَر سونبولی یِل اَسَندَه
سونبوللَرین شادلقنا قوربانام
...
...
خییالمی بَزِر اُنن یُللاری
چنارلقن هر یُلنا قوربانام
...
...
چایِن سسی موسیقی دی جانما
مییانسارانن چاینا قوربانام
...
...
ماسولا تک داغ دوشیندَه اُتوروپ
قَدرین بیلَن اولادنا قوربانام
...
...
گِدیپ گَلیشلَر آخشامی دیریلدِر
یوردمزن آخشامنا قوربانام
...
...
کَهلیک اُخِر دُلاییدا ، یاماشدا
چنارلقن بوسازنا قوربانام
...
...
فَخر اِلِرَم ذادیگاهِم اُرا دی
من گولینَه، تیکاننا قوربانام
...
...
بویوکلَرین اُتاقییدی کَللِه ای
کَللِه اینین شکوهنا قوربانام
...
...
گَلین خانم،خانملارن خانمی
من اورَِگیمنَن جاننا قوربانام
...
...
چنارلقین اَصالَتین ایتیرمَز
اَصالَتلی آدامِنا قوربانام
...
...
ساغلاری گویچک ؛ سُللاری گورمَلی
چنارلقن ساغ سُلنا قوربانام
...
...
گوزَل گوزَل خاطیرَه لر یادمدا
اُ خاطیراتین ساینا قوربانام
...
...
بَی بولاقِن سَرین سوای نِجُلدی ؟
خومار خومار شرابِنا قوربانام
...
...
اوزاق اُلام یا کیی یُخُن ، اورَکدَن
آبادِنا، خارابِنا قوربانام
...
...
یوردمزی گَنَه آللاهی ساخلار
یوردمزن آللاهنا قوربانام
...
...
گِجَه سَسی لای لای دِیدی یاتِیدیم
گِجَه لَرین لایلاینا قوربانام
...
...
بولگون اُلِر گِجَه چاغی بِشیگیم
کَلله ای نین بولگوننا قوربانام
...
...
گون اُرتادا بیچین چی دی ، آیرانی
بیچین چینین آیراننا گوربانام
...
...
آلشدراردی تَندیری سِیرَه ناز
اُنِن چورک یاپماقنا قوربانام
...
...
اُ کَتدی کیی کَتدَن کوچیپ ، ساغ اُلسن
کَندیمیزدَه قالاننا قوربانام
...
...
من بو قزل گوموش کیمین تُرپاقن
یانمدا اِعتیبارنا قوربانام
...
...
آنناقلییدی مَنیم مامام ؛گولوستان
گولوستانن آنناقنا قوربانام
...
...
عشقن سوزی ، بیر آیری سوز دی ؛ اِشید
چنارلقن قورباننا قوربانام
...
...
پیرنَکلق دی ، چنارلق دی هَر یانی
پیرنَکینَه ، چنارنا قوربانام
...
...
مییانساران دا ، باغلارن ایچیندَه
آردوجلارن کوتامنا قوربانام
...
...
چنارلقلی یایدا کوچَردی چایا
منظَره لی کوچماقنا قوربانام
...
...
شور پَنیری ، بال کَرَه سی ، دُشابی
ساری یاغی ، قَیماقنا قوربانام
...
...
چولدَن گَلَن مال داوارن سوری سی
ساری اینَک،آق آتنا قوربانام
...
...
کَلَمی یَه هِچ یاندا تای تاپلماز
بَرَندینَه ، آلاهنا قوربانام
...
...
انجیر اوزوم ، اَریک هِیوا ، گیردَکان
قُهون قارپوز ، بُستانا قوربانام
...
...
دام اوستیندَه گِجَه چاغی یاتاندا
قاش گوز آتان اولدوزنا قوربانام
...
...
کَلَمی لَر آلاهلاردا پارللار
مییانسارانن یاینا قوربانام
...
...
داغ دَرَه سیندَه ، بوغداسی ، آرپاسی
دوگی سینَه ، پامبوقنا قوربانام
...
...
آشتالی سی ، گیردَه شیرین آلماسی
ایدَه سینَه ،اَنارنا قوربانام
...
...
دُغرامادا ، آیران آشندا ، اُنن
کَهلیک اُتی ، یارپوزنا قوربانام
...
...
نارن نارن یاغش یاغاندا چایدا
بینَه لَرین اُجاقنا قوربانام
...
...
دومان گَلیپ کَت کوشَنَن گِچَندَه
کَت کوشَنین دوماننا قوربانام
...
...
یارپاقلارن پاییز اوز گورسَدَندَه
سارسنا ، قرمزنا قوربانام
...
...
بُیِن چَکیپ چایدان گویَه چنارلق
گوی لَرَه یُلداش بُیِنا قوربانام
...
...
قُی استوسَن کَندیمیز اوز یِریندَه
اوز یِریندَه قرارنا قوربانام
...
...
کَندیمیزی چُخ ایستییَن ساغ اُلسِن
قُجاسنا ، جاواننا قوربانام
...
...
چِخاتمارام چنارلقی یادِمنان
من کیی اُنِن بونیادنا قوربانام
...
...
یار اُلدلار چنارلقا بویوک لَر
بویوک لَرین اَل قُلنا قوربانام
...
...
کوشَنیمیز شیرین دی ، شیرین کیمین
بو شیرینین فرهادنا قوربانام
...
...
آزی ، چُخی فرق اِلَمَز یانِمدا
نفس نفس آز چُخِنا قوربانام
...
...
مَنیم آتام غمخواریدی کوشَنَه
بو کوشَنین غمخوارنا قوربانام
...
...
آللاه بیلِر بو دونیادا کَندیمین
- تا کِی جانِم وار - یارنا قوربانام
...
...
ایستَمِرَم بهاریستان فَرشینی
بینَه میزین پالازنا قوربانام
...
...
سُئوخ دوشَر ، یوردمزا قار یاغار
کولَک دَه گویچَک قشنا قوربانام
...
...
فورصَت وِرمَز ایگیت لَری دوشمَنَه
ایگیت لَرین قلنجنا قوربانام
...
...
اَدَب کانی ماحمود عَمییدی ، مَقروب
اُلارن اِحتیرامنا قوربانام
...
...
دوز یِمیشَم ، دوزدانی سَندر مارام
تا نَفَسیم وار دوزنا قوربانام
...
...
حورمَتلی ، یاشماقلی گَلین باجنن
حورمَتینَه ، یاشماقنا قوربانام
...
...
عَنبَر تَکین گَلین باجی تاپلماز
اُنن اَدَب ، سالامنا قوربانام
...
...
سوفرَه لَرین قُناقلقا گِدَندَه
یاغلسنا ، یاواننا قوربانام
...
...
خییالمدا کوچماچقچن یاش توکِر
چنارلقن گوز یاشنا قوربانام
...
...
داغن دوشیندَه گوز تیکِر طارما
کَندیمین ایقتیدارنا قوربانام
...
...
کَندیمیزین ایفتیخاری آقام دی
بو کَندین ایفتیخارنا قوربانام
...
...
چیللَه خانا دَمیر کیمین دایانِپ
گوزل داغن وافاسنا گوربانام
...
...
من کیی دِدیم بو شعری یادگارلِق
یادا سالان قارداشنا قوربانام
...
...
چون خالخالن بالاسی دی چنارلق
ایرانمن خالخالنا قوربانام
...
...
قالپدی یادیگار بیزَه چنارلق
اولکَه میزین داوامنا قوربانام
...
...
لوطف اِلَدی اولکَه میزین شاعیری
اُنن شیرین قُشماقنا قوربانام
...
...
شعریمی قُیدم ایکی بِیت ایچیندَه
تا کِی دییَم بَیاننا قوربانام
...
...
<<هوژَبر کیمین شیرین سوخَن شاعیرین
مَعریفَتلی مَرامنا قوربانام>>
.........
.........
هژبر پاکزاد
17 مُرداد 1391 خورشیدی
پاورقی :
- غزل عشقن سوزی مجموعا 85 بیت است که پدر عالیقدرم،هژبر خان بزرگ،آن را مابین بیت های اول و آخر که سروده جناب آقای فریدونی ی عزیز می باشند،قرار داده اند و چون بنده به زبان ترکی مسلّط نیستم،احتمال ادای اشتباه واژگان،بعید نمی باشد.حروف بعضی از واژه ها نیز بنا به آوای زبان ترکی در گفتار،تغییر داده شده اند .
- تعداد چند بیت در دقیقه 27:33 در ویدیو نیز با صدای زیبای آقای بهبود محمدی،ضبط شده است.از ایشان بخاطر گرامی داشت یاد پدر و توانایی ی وافر در ادای شعر،تشکر می کنم .
.......
و جای پدر،بسیار خالیست ...
شایان پاکزاد
15 خُرداد 1404 خورشیدی
.
.
.
.
ویدیوی ضبط شده از روستای چنارلق توسط شبکه سبلان
لینک اول با صدای آقای بهبود محمدی
https://www.aparat.com/v/xjvw14a
https://sepehrtv.ir/live/sabalan/recording/285221844
